ರಾಜ್ಯದ 217 ತಾಲೂಕುಗಳಲ್ಲಿ ಭೀಕರ ಬರ – ವಿವಿಧ ಜಿಲ್ಲೆಗಳಲ್ಲಿ ಕೇಂದ್ರದ ತಂಡದಿಂದ ಬರ ಅಧ್ಯಯನ!

ಬೆಂಗಳೂರು: ರಾಜ್ಯದ ಒಟ್ಟು 217 ತಾಲೂಕುಗಳು ಭೀಕರ ಬರಗಾಲದ ಸಂಕಷ್ಟಕ್ಕೆ ಸಿಲುಕಿವೆ. ಈ ದುಸ್ಥಿತಿಯ ಹಿನ್ನೆಲೆಯಲ್ಲಿ ಕೇಂದ್ರದ Drought Study ತಂಡವು ರಾಜ್ಯದಲ್ಲಿ ಬರಗಾಲದ ಕುರಿತು ಅಧ್ಯಯನ ನಡೆಸುತ್ತಿದೆ.

ಇಂದು (ಭಾನುವಾರ) ಕೇಂದ್ರ ಸರ್ಕಾರದ (Central Government) ವಿವಿಧ ಸಚಿವಾಲಯಗಳ ಅಧಿಕಾರಿಗಳ ತಂಡವು ಯಾದಗಿರಿ, ಚಿತ್ರದುರ್ಗ, ಹಾಸನ ಮತ್ತು ರಾಯಚೂರು ಜಿಲ್ಲೆಗಳಿಗೆ ಭೇಟಿ ನೀಡಿ ಬರ ಪರಿಶೀಲನೆ ಕೈಗೊಂಡಿತು. ಯಾದಗಿರಿ ಜಿಲ್ಲೆಯ ಶಹಾಪುರ ತಾಲೂಕಿನ ಗುಂಡಹಳ್ಳಿ ಗ್ರಾಮದಲ್ಲಿ ತೊಗರಿ ಹಾಗೂ ಹತ್ತಿ ಬೆಳೆಗಳಿಗೆ ಉಂಟಾಗಿರುವ Crop Loss ಕುರಿತು ತಂಡದ ಸದಸ್ಯರು ಪರಿಶೀಲನೆ ನಡೆಸಿದರು.

ಚಿತ್ರದುರ್ಗ ಜಿಲ್ಲೆಯ ಹಿರಿಯೂರು ತಾಲೂಕಿನ ಹೊಸಕೆರೆ, ಸಕ್ಕರ ಹಾಗೂ ಚಳ್ಳಕೆರೆ ತಾಲೂಕಿನ ದೊಡ್ಡೇರಿ, ಚಿಕ್ಕಚಲ್ಲೂರು ಗ್ರಾಮಗಳಲ್ಲಿ ಬೆಳೆಗಳ ಹಾಳಾಗಿರುವ ಸ್ಥಿತಿಯನ್ನು ತಂಡವು ವೀಕ್ಷಿಸಿತು.

ಹಾಸನ ಜಿಲ್ಲೆಯ ಹೊಳೆನರಸೀಪುರ ಮತ್ತು ಅರಸೀಕೆರೆ ತಾಲೂಕುಗಳಲ್ಲಿ ಡಿಸಿ ಲತಾಕುಮಾರಿ ಅವರು ಕೇಂದ್ರದ ತಂಡಕ್ಕೆ ಬರಗಾಲದ ಪರಿಸ್ಥಿತಿಯ ಕುರಿತು ಮಾಹಿತಿ ನೀಡಿದರು. ಅದೇ ರೀತಿ ರಾಯಚೂರಿನ ದೇವದುರ್ಗದಲ್ಲಿ ಕೇಂದ್ರ ತಂಡವು ಅಧಿಕಾರಿಗಳೊಂದಿಗೆ ಸಭೆ ನಡೆಸಿದ ಬಳಿಕ ಬೆಳೆಹಾನಿಯಾದ ಪ್ರದೇಶಗಳಿಗೆ ಭೇಟಿ ನೀಡಿತು.

ಬರಗಾಲದ ಜೊತೆಗೆ ಬಿಸಿಲಿನ ಪ್ರಮಾಣವೂ ಹೆಚ್ಚಾಗಿದ್ದು, ವಾಡಿಕೆಗಿಂತ 2ರಿಂದ 6ರಷ್ಟು ತಾಪಮಾನದಲ್ಲಿ ಏರಿಕೆ ಕಂಡುಬಂದಿದೆ. ಹವಾಮಾನದಲ್ಲಿನ ಈ ಬದಲಾವಣೆಯಿಂದಾಗಿ ಸಾರ್ವಜನಿಕರು ಆರೋಗ್ಯ ಸಮಸ್ಯೆಗಳನ್ನು ಎದುರಿಸುತ್ತಿದ್ದಾರೆ. ಬೆಂಗಳೂರಿನ ಕೆಸಿ ಜನರಲ್ ಆಸ್ಪತ್ರೆಯಲ್ಲಿ ರೋಗಿಗಳ ಸಂಖ್ಯೆಯಲ್ಲಿ ಹೆಚ್ಚಳವಾಗಿದ್ದು, ಹೊರರೋಗಿ ವಿಭಾಗಕ್ಕೆ ಬರುವ ವೃದ್ಧರು ಮತ್ತು ಮಕ್ಕಳ ಸಂಖ್ಯೆ ಅಧಿಕವಾಗಿದೆ.

ನಗರ – ವಾಡಿಕೆ – ಪ್ರಸ್ತುತ – ವ್ಯತ್ಯಾಸ

ಕಾರವಾರ – 31 ಡಿಗ್ರಿ – 34 ಡಿಗ್ರಿ 3.3

ಹೊನ್ನಾವರ – 30 ಡಿಗ್ರಿ – 33 ಡಿಗ್ರಿ 3

ಕಲಬುರಗಿ – 32 ಡಿಗ್ರಿ – 35 ಡಿಗ್ರಿ 3

ಬೀದರ್ – 31 ಡಿಗ್ರಿ – 34 ಡಿಗ್ರಿ 3

ಧಾರವಾಡ – 29 ಡಿಗ್ರಿ – 33 ಡಿಗ್ರಿ 4

ಹಾವೇರಿ – 29 ಡಿಗ್ರಿ – 35 ಡಿಗ್ರಿ 6

ಬೆಂಗಳೂರು – 28 ಡಿಗ್ರಿ – 30 ಡಿಗ್ರಿ 2

ಚಿತ್ರದುರ್ಗ – 39 ಡಿಗ್ರಿ – 33 ಡಿಗ್ರಿ 4

ಮೈಸೂರು – 29 ಡಿಗ್ರಿ – 32 ಡಿಗ್ರಿ 3