ನಿಟ್ಟೆ : ಅ.7ರಂದು ಸಂಗೀತ ಪ್ರಿಯರ ಮನ ಸೂರೆಗೊಳ್ಳಲಿದೆ ‘ಸಂಗೀತಾಮೃತ’

ಭಾರತೀಯ ಶಾಸ್ತ್ರೀಯ ಸಂಗೀತದ ಮಹತ್ವವನ್ನು ಯುವಜನತೆಗೆ ಪರಿಚಯಿಸುವ ಹಾಗೂ ಸಂಗೀತಾಸಕ್ತರಿಗೆ ವಿಶಿಷ್ಟ ಅನುಭವವನ್ನು ಒದಗಿಸುವ ಉದ್ದೇಶದಿಂದ, ನಿಟ್ಟೆ ವಿಶ್ವವಿದ್ಯಾಲಯದ ಭಾಗವಾಗಿರುವ ನಿಟ್ಟೆ ಮಹಾಲಿಂಗ ಅಡ್ಯಂತಾಯ ಸ್ಮಾರಕ ತಾಂತ್ರಿಕ ಮಹಾವಿದ್ಯಾಲಯದ ‘ಕಲಾಸಂಗಮ’ ವಿದ್ಯಾರ್ಥಿ ಸಂಘಟನೆಯ ಸಹಕಾರದೊಂದಿಗೆ ಅ.7ರಂದು ‘ಸಂಗೀತಾಮೃತ’ ಸಂಗೀತ ಕಾರ್ಯಕ್ರಮವನ್ನು ಆಯೋಜಿಸಲಾಗಿದೆ.

ನಿಟ್ಟೆ ತಾಂತ್ರಿಕ ಮಹಾವಿದ್ಯಾಲಯದ ಸಂಭ್ರಮ ಆಡಿಟೋರಿಯಂನಲ್ಲಿ ಮಧ್ಯಾಹ್ನ 2ರಿಂದ ಸಂಜೆ 4.30ರವರೆಗೆ ಏರ್ಪಡಿಸಲಾಗಿರುವ ಈ ಕಾರ್ಯಕ್ರಮದಲ್ಲಿ ಗೋಲ್ಡನ್ ಬುಕ್ ಆಫ್ ವರ್ಲ್ಡ್ ರೆಕಾರ್ಡ್ಸ್ ಖ್ಯಾತಿಯ ವಿದುಷಿ ಸಂಗೀತಾ ಬಾಲಚಂದ್ರ ಅವರು ಸಂಗೀತ ಪ್ರದರ್ಶನ ನೀಡಲಿದ್ದಾರೆ.

ವಿದುಷಿ ಸಂಗೀತಾ ಬಾಲಚಂದ್ರ ಅವರಿಗೆ ಗುರುರಾಜ್ ಎಂ.ಬಿ. (ಕೀಬೋರ್ಡ್), ಪ್ರಭಾಕರ್ ಅಮ್ಮನಗೋಡ (ರಿದಮ್ ಪ್ಯಾಡ್), ಸಮರ್ಥ್ ಶೆಣೈ (ಕೊಳಲು) ಮತ್ತು ಪ್ರದೀಪ್ ಆಚಾರ್ಯ (ತಬಲಾ) ಅವರು ವಾದ್ಯಗಳ ಮೂಲಕ ಸಾಥ್ ನೀಡಲಿದ್ದಾರೆ.

ಸಂಗೀತ ಪ್ರೇಮಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿ ಈ ಕಾರ್ಯಕ್ರಮದ ಸೌಂದರ್ಯವನ್ನು ಸವಿಯಬೇಕೆಂದು ಆಯೋಜಕರು ವಿನಂತಿಸಿದ್ದಾರೆ. ಜೊತೆಗೆ, ಈ ಕಾರ್ಯಕ್ರಮವನ್ನು @NMAMInstituteofTechnology ಯೂಟ್ಯೂಬ್ ಚಾನೆಲ್‌ನಲ್ಲಿ ನೇರಪ್ರಸಾರ ಮಾಡಲಾಗುವುದು ಎಂದು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.