ತುಮಕೂರು | ಬಿಜೆಪಿ ಕಾರ್ಯಕರ್ತರು ಕಿತ್ತಾಡಿಕೊಂಡಿದ್ದು ವಿಜಯೇಂದ್ರ ಸಮ್ಮುಖದಲ್ಲೇ
ತುಮಕೂರು: ಇಲ್ಲಿನ ಬಿಜೆಪಿ ಘಟಕದಲ್ಲಿ ಬಣ ಬಡಿದಾಟ ಜೋರಾಗಿದೆ. ಬಿಜೆಪಿ ಅಧ್ಯಕ್ಷ ವಿಜಯೇಂದ್ರ (BY Vijayendra) ಸಮ್ಮುಖದಲ್ಲೇ ಕಾರ್ಯಕರ್ತರು ಕಿತ್ತಾಡಿಕೊಂಡಿದ್ದಾರೆ. ಗುಬ್ಬಿ ತಾಲೂಕಿನ ಚೇಳೂರಿನಲ್ಲಿ ಬೂತ್ ಅಭಿಯಾನದ ವೇ...
ತುಮಕೂರು: ಇಲ್ಲಿನ ಬಿಜೆಪಿ ಘಟಕದಲ್ಲಿ ಗುಂಪುಗಾರಿಕೆ ಜಗಳ ತಾರಕಕ್ಕೇರಿದೆ. ಬಿಜೆಪಿ ಅಧ್ಯಕ್ಷ ವಿಜಯೇಂದ್ರ (BY Vijayendra) ಅವರ ಸಮ್ಮುಖದಲ್ಲೇ ಪಕ್ಷದ ಕಾರ್ಯಕರ್ತರು ಪರಸ್ಪರ ಕಿತ್ತಾಡಿಕೊಂಡ ಘಟನೆ ನಡೆದಿದೆ.
ಗುಬ್ಬಿ ತಾಲೂಕಿನ ಚೇಳೂರಿನಲ್ಲಿ ಬೂತ್ ಅಭಿಯಾನ ನಡೆಯುತ್ತಿದ್ದ ಸಮಯ, ಗ್ಯಾಸ್ ಬಾಬು ಮತ್ತು ದಿಲೀಪ್ ಕುಮಾರ್ ಅವರ ಬೆಂಬಲಿಗರು ಜಗಳವಾಡಿಕೊಂಡಿದ್ದಾರೆ. ಗ್ಯಾಸ್ ಬಾಬು ಅವರು ತಮ್ಮ ಭಾಷಣದಲ್ಲಿ ದಿಲೀಪ್ ಅವರ ಹೆಸರನ್ನು ಪ್ರಸ್ತಾಪಿಸದೇ ಇದ್ದದ್ದೇ ಈ ವಿವಾದಕ್ಕೆ ಮೂಲ ಕಾರಣವಾಗಿದೆ.
ಹಿಂದಿನ ಚುನಾವಣೆಯಲ್ಲಿ ದಿಲೀಪ್ ಕುಮಾರ್ ಪರಾಭವಗೊಂಡಿದ್ದರು. ಇವರಿಬ್ಬರ ಬಣಗಳ ನಡುವಿನ ಜಗಳವನ್ನು ಗಮನಿಸಿದ ವಿಜಯೇಂದ್ರ ಅವರು ಮಧ್ಯೆ ಪ್ರವೇಶಿಸಿ ಪರಿಸ್ಥಿತಿಯನ್ನು ನಿಯಂತ್ರಣಕ್ಕೆ ತಂದರು. ವೇದಿಕೆ ಮೇಲೆ ಗ್ಯಾಸ್ ಬಾಬು ಭಾಷಣ ಮಾಡುತ್ತಿದ್ದಾಗ ದಿಲೀಪ್ ಕುಮಾರ್ ಅವರ ಹೆಸರನ್ನು ಉಲ್ಲೇಖಿಸಲಿಲ್ಲ ಎಂಬ ಕಾರಣಕ್ಕೆ ಈ ಗಲಾಟೆ ಶುರುವಾಯಿತು.
ದಿಲೀಪ್ ಕುಮಾರ್ ಹೆಸರನ್ನು ಹೇಳಬೇಕೆಂದು ಬೆಂಬಲಿಗರು ಗ್ಯಾಸ್ ಬಾಬುಗೆ ಪಟ್ಟು ಹಿಡಿದು ಭಾಷಣಕ್ಕೆ ಅಡ್ಡಿಪಡಿಸಿದರು. ಈ ವೇಳೆ ವೇದಿಕೆಯಿಂದ ಕೆಳಗಿಳಿದ ಗ್ಯಾಸ್ ಬಾಬು, ನೇರವಾಗಿ ದಿಲೀಪ್ ಅವರ ಬೆಂಬಲಿಗರ ಜೊತೆ ವಾಗ್ವಾದಕ್ಕಿಳಿದರು. ಕಾರ್ಯಕರ್ತರ ಈ ಜಗಳವನ್ನು ಕಂಡು ವೇದಿಕೆಯಲ್ಲಿದ್ದ ಬಿ.ವೈ ವಿಜಯೇಂದ್ರ ಅವರೇ ಮಧ್ಯಪ್ರವೇಶಿಸಿ ಪರಿಸ್ಥಿತಿಯನ್ನು ಶಾಂತಗೊಳಿಸಿದರು. ಕಾರ್ಯಕರ್ತರ ವರ್ತನೆಯಿಂದ ಅಸಮಾಧಾನಗೊಂಡ ಅವರು, ಇನ್ನು ಮುಂದೆ ನಾನೇ ಗುಬ್ಬಿಯಲ್ಲಿ ಸ್ಪರ್ಧೆ ಮಾಡುತ್ತೇನೆ ಎಂದು ತರಾಟೆಗೆ ತೆಗೆದುಕೊಂಡಿದ್ದಾರೆ.
